Eures Malta ser torganizza l-Fiera annwali ta’ l-Impjiegi fit-30 u l-31 ta’ Marzu f’Le Meridien Phoenicia Ball Room bejn is-2.00pm u l-4.30pm fit-30 ta’ Marzu u bejn id-9.00am u s-7.00pm fil-31 ta’ Marzu. Din is-sena d-dati ntgħażlu apposta bħala parti miċ-ċelebrazzjonijiet li jkunu għaddejjin tal-50 Anniversarju ta’ l-UE li qegħdin isiru fis-27 Stat Membru ta’ l-UE inkluż Malta.
Eures Malta stiednet rappreżentanti minn għadd ta’ Stati Membri ta’ l-Unjoni Ewropea biex jieħdu sehem fil-Fiera Annwali tagħha ta’ l-Impjiegi. S’issa 12-il pajjiż aċċettaw l-istedina tagħna jiġifieri l-Iżvezja, ir-Renju Unit, il-Finlandja, in-Norveġja, l-Italja, il-Ġermanja, is-Slovakkja, il-Litwanja, l-Awstrija u r-Repubblika Ċeka.
Iċ-ċittadini Maltin ser ikollhom l-opportunità jikkuntattjaw direttament il-konsulenti tal-Eures u jiksbu informazzjoni dwar l-Impjiegi li qed joffru l-pajjiżi tagħhom. Permezz ta’ dan, EURES Malta ser tippromwovi l-mobilità u ser iżżid l-għarfien dwar il-Eures. Ser ikun hemm Stands għal Eures Malta u anki għall-pajjiżi oħra. Iċ-ċittadini Maltin jistgħu jikkuntattjaw direttament lil dawn ir-rappreżentanti.
Fit-30 ta’ Marzu ser isir seminar ta’ nofs ta’ nhar filgħodu u r-rappreżentanti mistednin ser jingħataw informazzjoni dwar il-Liġi Maltija dwar l-Impjiegi u dwar is-Sistema tas-Sigurtà Soċjali flimkien ma’ informazzjoni dwar il-qagħda fis-suq tax-xogħol f'Malta.