Mis-suq komuni sa l-Ewropa tal-poplu

Fil-klima ħafna aktar ħarxa ta’ l-Ewropa ta’ wara l-gwerra, l-akbar prijorità kien li niżguraw il-prosperità ekonomika ta' l-Ewropa permezz tas-suq komuni. Meta bdew jitiebu l-livelli ta’ l-għixien, l-isforzi ta’ l-UE biex itejbu d-drittijiet soċjali malajr qabdu jiżdiedu, u ngħatat aktar importanza għall-promozzjoni tad-demokrazija, id-drittijiet tal-bniedem u s-soċjetà ċivili u l-ġlieda kontra d-diskriminazzjoni.

Il-kisbiet importanti f’dan il-kuntest jinkludu:

• il-liġijiet dwar l-ugwaljanza bejn is-sessi  għall-aċċess tax-xogħol, it-taħriġ, l-avvanzi fil-karriera u l-kundizzjonijiet tax-xogħol, kif ukoll pagament ugwali, benefiċċji tas-sigurtà u d-dritt għal-liv tal-ġenituri
• regoli li jagħmlu d-dipartimenti ta' l-UE aktar trasparenti . Dan jinkludi l-aċċess għad-dokumenti u aktar trasparenza fejn jidħol l-infiq ta' l-UE
• Ombudsman Ewropew - entità indipendenti mwaqqfa biex tinvestiga lmenti dwar amministrazzjoni ħażina tad-dipartimenti ta’ l-UE
• il-Karta dwar id-Drittijiet Fundamentali , li tgħaqqad flimkien il-prinċipji ewlenin ta’ l-UE dwar ir-rispett għad-drittijiet tal-bniedem u l-libertajiet fundamentali
• l-inizzjattivi ta' komunikazzjoni Ewropej , maħsuba biex jinvolvu lill-Ewropej fit-tfassil tal-liġi Ewropea permezz tad-dibattitu, id-diskussjoni u l-konsultazzjoni pubblika.

L-UE timxi maż-żminijiet u għalhekk qed tiżviluppa drittijiet li jmorru lil hinn minn dwak li kellna qabel - id-dritt għal ambjent sostenibbli, il-ħarsien tal-konsumatur  u l-protezzjoni tad-data  issa huma fost l-akbar prijoritajiet tagħha.